Во Загреб вчера бил уапсен Горан Грујевски кој со години се бара со меѓународна потерница за масовното прислушување, објави Клан ТВ. Тој денеска бил пуштен на слобода, а според информациите од Министерството за внатрешни работи, одлуката да се пушти на слобода е поради тоа што на Грујевски му бил одобрен азил во Грција.

Македонското МВР добило известување дека вчера Грујевски бил приведени, но денеска им пристигнало известување дека е ослободен.

Горан Грујевски беше началник на Петтата управа во МВР. Заедно со Никола Бошковски се главни обвинети во судскиот процес „Таргет Тврдина“, поврзан со нелегалното масовно прислушување, во времето кога ВМРО-ДПМНЕ беше на власт.

Грујевски беше обвинет и во случајот „Тврдина 2“, за незаконско палење документи на ДСК, доказите за нелегалното прислушување.

Тој е во бегство од 26 јули 2017 кога требаше да оди во притвор, но полицијата не го најде дома.

Мијалков куртули за Таргет-Тврдина, му застари делото