Во Хаг денеска продолжува судењето на поранешните водачи на ОВК, Хашим Тачи, Кадри Весели, Реџеп Селими и Јакуп Красниќи, кои се обвинети за воени злосторства и злосторства против човештвото, јавуваат медиумите.
Досега се сослушани седум сведоци на обвинителството во процесот против лидерот на поранешната ОВК. Тие се обвинети за убиство, прогон на политичките противници од албанско и неалбанско потекло и тортура.

Сите четворица обвинети се изјаснија дека не се виновни по ниту една од точките на обвинението.

Конференцијата пред судење се одржа на 18 јануари 2023 година, по што следеше подготвителната конференција на специјализираните обвинители на 15 февруари.

Тачи, Весели, Красниќи и Селими се во притвор во Хаг од ноември 2020 година, а судењето започна на 3 април годинава.