Данска, Норвешка и Исланд ја запреа употребата на вакцината на Универзитетот Оксфорд и на „АстраЗенека“ од „внимателност“ по смртта на 60-годипна жена во Данска која почина од згрутчување на крвта по вакцинирање. Жената примила од истата серија на вакцина што ја доби и 49-гидиш-ната медицинска сестра во Австрија која, исто така, почина од згрутчување на крвта по апликација на дозата.

По повод најновите тромбоемболиски случаи, денеска се огласи и Европската агенција за лекови (ЕМА).

– ЕМА е свесна дека данската здравствена управа го запре процесот на имунизација со вакцината на „АстраЗенека“. Ова е решено како мерка на претпазливост додека е во тек целосна истрага за создавање на крвни грутчиња кај лица кои ја примиле вакцината, вклучувајќи и случај во Данска каде почина една жена. Некои други држави членки, исто така, го запреа вакцинирањето со оваа вакцина, објави ЕМА на своите страници.

Од таму нагласуваат дека досега нема докази оти вакцината предизвикува здравствени проблеми и дека тромбозата не е наведена како потенцијална нуспојава. Во соопштението, исто така, се додава дека серијата со ознака ABV5300 содржи милион дози и доставена е во 17 држави членки на Европската Унија.

30 случаи на пет милиони вакцинирани

Од ЕМА напоменуваат дека уделот на бројот на луѓе кои добиле тромбоза и емболија по примање на вакцината не е поголем од оној во општата популација.

– Од 10 март во 2021 година забележани се 30 тромбоемболиски случаи меѓу пет милиони луѓе во Европската Унија мои примиле вакцина на „АстраЗенека“, порачуваат од ЕМА.

Проблематичната серија со ознака ABV5300

Вакцината на „АстраЗенека“, освен во Данска, Норвешка и Исланд, е суспендирана и во Естонија, во Литванија, во Летонија и во Луксембург.

ЕМА истакна дека се истражува квалитетот на серијата ABV5300, иако квалитативен недостаток е малку веројатен.

Одборот за проценка на ризикот во подрачјето фармаковигиланца при ЕМА ја истражува поврзаноста на тромбоза со проблематичната серија, како и други извештаи и сродни состојби на згрутчување на крв по вакцинирање. Како ќе одминува истрагата, така ќе бидат споделувани и новите сознанијата.

Во испитувањата немаше проблеми со згрутчување на крв

Регулаторите на Европската Унија ја одобрија вакцината на „АстраЗенека“ кон крајот на јануари, истакнувајќи дека ефикасно и безбедно за употреба, додека Светската здравствена организација (СЗО) во средината на февруари ја стави вакцината на листата за итна употтреба.

Нуспојавите што беа воочени за време на испитувањата, воглавно, беа краткотрајни, а проблеми со згрутчување на крв не беа забележани.

Во проценката на сигурноста што германскиот регулатор за вакцини гои спроведе меѓу повеќе од 360.000 лица е заклучено дека нуспојавите се во рамки на сигурносниот профил што бил опишан во клиничките испитувања.

Борис Џонсон во одбрана на „АстраЗенека“

И британската влада ја оцени вакцината како делотворна и безбедна за употреба.

Портпаролот на британскиот премиер, Борис Џонсон рече дека „беве јасни оти вакцината е безбедна е ефикасна и кога од луѓето ќе се побара да се јават и да се вакцинираат, тоа би требало да го сторат со доверба“.

Дански виролог: Тешко е да се верува дека постои вистински проблем

Рандруп Томсен, професор по вирологија на Универзитетот цо Копенхаген, вели дека „со оглед на бројот на вакцинирани, тешко е да се поверува дека постои вистински проблем, но важно е да се спроведе една темелна студија“.

Во Данска, држава со 5,8 милиони жители, досега се вакцинирани 13,4 отсто од населението барем со една доза на вакцина против ковид-19, а една четвртина од нив со „АстраЗенека“.

Преземено од index.hr