По повод трагедијата во Македонија, во која загинаа 59 лица, а над 150 се повредени, вторник, 18 март, во Бугарија е прогласен за Ден на жалост, соопшти бугарскиот премиер Росен Жељазков.

14 од повредените се пренесени во медицинските установи во Бугарија.

„Во вакви моменти најважно е да се покаже навремена емпатија и солидарност. Бугарија е подготвена да прифати уште пациенти“, рече Жељазков.

Бугарскиот премиер изрази сочувство до семејствата на жртвите.