Властите во Берлин денес планираат да деактивираат две бомби од Втората светска војна, поради што ќе бидат евакуирани илјадници луѓе во германската престолнина, јави ДПА.

Едната бомба е во близина на популарна туристичка област во центарот на градот, каде што полицијата нареди евакуација на околу 10.000 луѓе. Другата е во западниот дел од главниот град, каде што на околу 12.400 луѓе им беше наредено да се евакуираат.

Полицијата соопшти дека евакуациите не ги засегнале медицинските установи. Сепак, во зоните под кордон се наоѓаат амбасади и административни згради.

Патиштата се затворени, а една од линиите на метрото е привремено суспендирана. Обезбедени се привремени засолништа за луѓе кои не можат да останат кај пријатели или роднини.