Белгискиот Кризен штаб за ковид-19 информира дека помеѓу 17 и 23 октомври се достигнала стапка од 13.000 новозаразени во просек дневно. Белгија е втора по стапка на новозаразени од коронавирусот во Европа по Чешка.

Во просек се регистрирани 13.052 нови инфекции дневно во текот на неделата од 17 до 23 октомври, според бројките на Институтот за јавно здравје, односно 38 отсто повеќе од претходната недела.

Од почетокот на пандемијата се заразиле повеќе од 300.000 лица во Белгија. Бројот на хоспитализации достигна 502 дневно, односно пораст од 88 отсто.

Моментално низ цела држава хоспитализирани се 5.260 лица со вирусот, од кои 809 на интензивна нега. Сите бројки се во подем во споредба со претходната недела, вклучително и бројот на починати кои достигна 48,3 дневно.

Стапката на позитивност на тестовите надмина 21 отсто на национално ниво.