И покрај елиминацијата од Лигата на шампионите и уште една сезона без трофеј, тренерот на Арсенал, Микел Артета, ќе остане на кормилото на лондонскиот клуб. Ова го потврдуваат британските медиуми, повикувајќи се на одлука донесена од управата на клубот по поразот од Пари Сен Жермен во полуфиналето на ЛШ.

Шпанскиот стратег, кој го презеде Арсенал во 2019 година и го водеше до едно ФА Куп финале во првата сезона, оваа година со „топџиите“ се пласираше и во полуфиналето од Лигата на шампионите. Но, таму „топџиите“ беа поразени двапати од ПСЖ, прво со 1-0 во Лондон, па потоа и со 2-1 во Париз.

И покрај недостигот на трофеи и трошењето над 650 милиони евра за засилувања, раководството на клубот верува дека Артета направил значителен напредок и веруваат дека е исправна одлука тој и понатаму да остане на клупата.

Сепак, како што пишува „Дејли Мејл“, Артета сè повеќе чувствува притисок. Иако неговото место не е под закана во блиска иднина, клубот очекува да се врати на патот на трофеите. Под негово водство, Арсенал повторно стана конкурентен во европскиот и домашниот фудбал, но конечниот чекор, освојувањето на титула сè уште недостасува.