Tимот на Караорман со минимални 1:0 го совлада Тетекс во денешниот последен натпревар од 19-тото коло во Втората лига.

Моментот на одлука се случи во второто полувреме кога Дебрешлиоски ја погоди мрежата на Тетекс за нови три бода со кои тимот од Струга сега има 26 бода. Со досега освоените 26 бода Караорман скоро и да ја обезбеди главната цел оваа сезона, а тоа е опстанокот.

Тетекс од друга страна е во сериозни проблеми на претпоследното место со шест бода заостанување зад Локомотива Пехчево која е прва над опасната зона. Треба да се знае и дека Локомотива не го одигра својот натпревар викендов поради скандалот во Синѓелиќ во кој беа нападнати фудбалерите на Беласица.

Тренерот на Беласица Гуцев за инцидентот во Синѓелиќ: Побараа да го „пуштиме“ натпреварот, добив силен удар во главата