Влажните марамчиња за деца не ги одржуваат рацете чисти, односно не можат да заштитат од зараза со коронавирусот, предупредуваат експертите. Иако рацете на децата ќе изгледаат чисти откако ќе ги избришете со влажните марамчиња, тие не се толку ефикасни како миењето на рацете со сапун и вода, тврди Центарот за контрола и спречување на болести на Велика Британија.

Сепак, најдобро е темелното и често миење на рацете со сапун и вода, а во недостаток на тоа, користете дезинфекциско средство. Но, имајте на ум дека ни претераното користење дезинфекциско средство за миење на рацете не е добро, бидејќи може да доведе до пукање на кожата на рацете, со што се зголемува ризикот од тоа да се заразите со вирусот. Затоа, секогаш е подобро да користите вода и сапун.