Вечерва во рамките на фестивалот „СоФест Винтер 2023“ (SoFest Winter 2023), во Софија Лајв Клуб (Sofia Live Club) во Бугарија ќе се одржи концертот на Влатко Стефановски со „Балкан трио Б/Г“.

За прв пат, љубителите на музиката во Бугарија уживаа во музиката на „Балкан трио Б/Г“ на 4 септември 2020 година.

Бендот беше создаден специјално за СоФест 2020 година и на една сцена ги собра музичарите Теодосиј Спасов, Влатко Стефановски и Васил Хаџиманов. Саканите виртуози се обединија околу идејата за заедничките корени на нивната историја и култура и ја воодушевија публиката со нови авторски дела.

„Балкан трио Б/Г“ ги плени своите фанови со уникатниот звук на различни стилови и балканска музика, полна со живот, неспоредлив ритам и спонтаност.

Нивниот исклучителен професионализам и богатото сценско искуство, мешајќи ритми од традиционалниот балкански фолклор со западниот, модерен музички стил ги освојуваат срцата на секој слушател. Тие претставија повеќе од музика – ги открија и обединија душите на три народи, пишува на официјалната страница на „СоФест“.