„Јас уморен од чекање да сретнам некој кој ќе ме разбере, што ќе дојде, а нема да си замине …“, се дел од стиховите на новата љубовна приказна која пејачот и кантавтор Владо Јаневски ја раскажа во својата нова песната „Засекогаш твој.

Ова е уште една прекрасна љубовна песна која Владо ја сними во НБ студио – Загреб и во Ентерпрајз – Скопје. Музиката и текстот се на Јаневски, а аранжманот на Никша Бартош.

Инаку, Владо неколку години наназад живее во Гевгелија каде како што изјави, го најде својот мир и спокој. Изминатата година ја одбележа со неколку значајни настапи, а концертот кој требаше да го одржи на 27 декември 2024 година, го презакажа за оваа пролет.