Словенечката Влада реши да го укине Кризниот штаб кој изминатиов период ја координираше борбата против коронавирусот и целосно ја презеде работата во свои раце. Сега сите одлуки на дневно ниво ќе ги носат ресорните министерства.

Портпаролот на сега веќе укинатиот Кризен Штаб Јелко Кацин, кој од денес е нов гласноговорник на Владата во врска со епидемијата, изјави дека искуството покажало дека борбата со коронавирусот ќе биде поефикасна без таков штаб.

Кацин најави дека секојдневно ќе продолжат прес-конференциите на кои граѓаните ќе ги добијат сите потребни информации поврзани со епидемијата од коронавирусот.