Општина Карпош се спротивстави на намерата на Владата да ја преземе спортската сала „Партизан“, која беше реновирана со државни средства, но дополнително опремена од Општината. Градоначалникот Стевчо Јакимовски ја нарече идејата апсурдна и порача дека нема да дозволи салата да се одземе. Советот на општината веќе изгласа одлука „Партизан“ да остане под локална надлежност, пишува СДК.МК.

На седница на Генералниот секретаријат на Владата како точка на дневен ред се разгледувало предлог-одземање на спортската сала ‘Партизан‘, која ни беше доделена од Владата пред година и половина по завршувањето на реновирањето. Дополнително, Општината вложи свои средства за опремување и приклучување на парно греење, бидејќи Министерството за спорт не сакаше да го стори тоа. Прво ни ги земаа бараките, сега сакаат и спортската сала“, вели Јакимовски за медиумот.

Советот на Општината на последната седница донесе одлука салата да не се предава на Владата, односно таа да остане во владение на Општина Карпош

Од реконструкцијата досега, салата прокиснуваше и беше затворена речиси една година поради несогласувања меѓу институциите околу опремувањето. Дел од просторот веќе е доделен на федерации и здруженија, а се подготвуваат и повици за изнајмување на спортски клубови.