Викендов на територија на Општина Аеродром беше реализирана пролетна акција за расчистување на дел од јавните површини.

– Во соработка со извидничкиот поречански одред Галеб собиравме отпадоци на потег од паркот на авиончето до паркот на последна петка. Епилогот на оваа еко акција за расчистување на кејот се собраните 30 вреќи со отпадоци, а отсега планираме ваквите еко акции да станат редовна пракса. Местото на градоначалникот и општинските служби е на терен, па затоа освен еко акциите ќе организираме и средби со граѓани низ целата Општина. Воедно, во оваа пригода испраќаме порака да се зголеми општествената одговорност кај аеродромци и отпадот да завршува каде што му е местото. Заеднички да се грижиме за она кое припаѓа на сите нам и да се грижиме за почиста средина – истакна градоначалникот на Општина Aеродром Тимчо Муцунски.