Визуелните тестови на личност се забавен начин да дознаете нешто повеќе за себе. Последниве денови на социјалните мрежи стана вирална илустрација која наводно открива дел од вашата личност поврзан со тоа како ги перцепирате луѓето и дали умеете да препознаете лага, пишува „Сенса“.

Сè што треба да направите е да погледнете во илустрацијата и да забележите која животинка прва ќе ја видите. Обично е потребна само една секунда за да „ви скокне“ вистинската фигура.

Риба

Ако прво ја видовте рибата, тоа значи дека лесно препознавате лага. Вие не сакате мистериозни личности и луѓе кои често измислуваат приказни или живеат во конспирации. Повеќе би одбрале да се држите настрана од такви луѓе, отколку да трошите енергија на нив.

Мачка

Ако прво ја видовте мачката, тогаш другите полесно можат да ве излажат. Но, тоа не е затоа што сте наивни или неискусни, туку затоа што сте премногу љубезни и секогаш подготвени да им помогнете на другите. Вашата добрина понекогаш ве прави подложни на манипулации.