Цените на Арабика, најпопуларното зрно кое се користи во повеќето мелено печено кафе, скокнале за дури 70 отсто во 2024 година и речиси 20 отсто од почетокот на оваа година. Бразилските производители на кафе речиси ги испразнија магацините половина година пред новата жетва, зафатени од бранот побарувачка што речиси двојно ги зголеми цените во изминатите 14 месеци.

Пред три недели надминаа 4,30 долари за фунта или за 0,45 килограми. Робуста, второто најпопуларно зрно кое често се користи за правење инстант кафе, минатата година поскапе за 72 отсто, а пред три недели неговата цена накратко се искачи на највисокото ниво откако се тргува на берзата, достигнувајќи 5.847 долари за тон.

Земјоделците во Бразил, најголемиот производител на кафе во светот, ги испразнија магацините и ги насочија залихите во рекорден извоз во 2024 година за да профитираат од рекордните цени. Гигантот со повеќе продажни места од Мекдоналдс и Старбакс имаше извонредно деби на берзата. Собра повеќе од 400 милиони евра.

„Никогаш не сме имале толку ниски залихи во февруари и сè уште сме далеку од новата реколта“, нагласува Вилијан Сезар Фреирија, шеф на продажбата во третата по големина бразилска кафе задруга, Cocapec, во градот Франка, во државата Сао Паоло, пишува Пословни дневник.

„До почетокот на следната реколта нема да имаме многу кафе за продажба. И не сме само ние, секаде е така“, вели Фреирија.