Вишото обвинителство бара од Апелација да ја потврди ослободителната пресуда за велешанката Пале Илоска, која се гонеше за убиство на својот насилен партнер Александар Ристовски. Велешкото обвинителство ја обжали ослободителната првостепена пресуда и побара затворска казна, но Вишото обвинителство на денешната јавна станица се спротивстави и побара Илоска да остане на слобода.

На 29 септември лани во куќата каде Иловска невенчано живеела со полицаецот Александар Ристовски, тој започнал кавга нарекувајки ја со погрдни зборови. Влегла во спалната соба и легнала да спие, но тој ја фатил за пижамата и со неа ја влечел до кујната. Ја удирал со тупаници и клоци по главата и телото. Силно ја фатил со раце за вратот и ја давел. Девојката го молела да ја пушти, а во еден момент од масата зела нож и го прободела директно во срцето. Убодот бил смртоносен за насилникот.

ВИДЕО | Хелсиншки комитет: Илоска го убила сопругот во самоодбрана, а семејното насилство треба да се пријавува