Холивудската актерка Винона Рајдер откри кое снимање било трауматично за неа.

Taa уште како дете го обожавала филмот „Осмиот патник“ и со нетрпение го очекувала секое продолжение, а немала поим дека ќе добие шанса да глуми во него.

Винона била поканета да глуми во четвртиот дел од оваа франшиза „Осмиот патник: Воскресение“ од 1997 година, што таа со ентузијазам го прифатила.

Сепак, како што признава, веќе на самиот почеток на снимањето – доживеала траума.

Што се случило?

Режисерот Жан-Пјер Жене решил веднаш да сними многу тешка и опасна подводна сцена, што не било многу пријатно за никого, особено не за Рајдер, која има фобија од вода откако речиси се удавила како 12-годишно девојче.

Се снимало во базен длабок три и пол метри, а Винона рече дека тоа било исклучително трауматично за неа.

„Без сомнение, тоа беше најлошото искуство во мојот живот“, рече таа во едно интервју.

„Доживеав огромен напад на паника. Сите се чувствувавме ужасно“, додаде актерката.

Овие сцени биле снимани во текот на две недели и биле исклучително напорни.