Според најавите Реал Мадрид успеа да го убеди својот фудбалер Винисус Жуниор да ја продолжи соработката. Се очекува Бразилецот да потпише нов договор со шпанскиот клуб, се чека само официјално тоа да се потврди, а медиумите веќе објавија и детали од договорот.

„Ас“ објавува дека Винисиус Жуниор се согласил на соработка со Реал Мадрид до 2030 година, а со овој потег, клубот потврдува дека играчот ќе биде еден од трите главни столбови на Реал во наредните години, покрај Килијан Мбапе и Џуд Белингам.

Неговиот агент Федерико Пења е познат по тоа што бара пократки договори за своите играчи, па овој потег претставува еден вид победа за „Кралевите“.

Платата на Винисиус скока на речиси 20 милиони евра нето годишно, што го прави најплатениот фудбалер во тимот. Во неговиот претходен договор (2022–2027), тој заработуваше во просек 15 милиони евра по сезона. За споредба, Мбапе наводно има плата од 15 милиони, но со голем бонус за потпишување.

Тоа не е сè, новата плата нема да започне од следната сезона, туку ќе започне веднаш, па се очекува Винисиус да заработи цели 100 милиони евра за пет години.

Во договорот има и индивидуални бонуси, т.е. ако ја освои „Златната топка“ или наградата „Најдобар“ на ФИФА.