Нигерискиот фудбалер Виктор Осимен, барем засега, нема да се приклучи на Ал Хилал од Саудиска Арабија бидејќи преговорите се прекинати.

Новинарот Џанлука ди Марцио објави дека клубот и играчот не се договориле околу платата, која изнесува дури 30.000.000 евра годишно.

Ваквата сума не е доволна за да се задоволат апетитите на голгетерот кој одлично играше во Франција, Италија, а сега и во Турција каде што го заврши својот период на позајмица во Галатасарај.

Наполи делумно ја контролира неговата судбина, но тој ќе го има последниот збор. Засега, се чини дека тој нема да оди во Саудиска Арабија, додека Галатасарај се обидува да го убеди да остане во Истанбул, иако на турскиот тим ќе му биде многу тешко да ги исполни сите потребни финансиски услови.

Наполи очекува прилив на пари од продажбата, а прашањето е дали Галатасарај ќе плати над 70.000.000 за овој напаѓач кој постигна 37 голови на 41 натпревар минатата сезона.