Претстојниот викенд во Скопје ќе се одржат натпреварите од Европскиот јуниорски куп во Џудо, во организација на Џудо федерацијата на Македонија. Натпреварите ќе се одржат во салата „Јане Сандански“ во скопската населба Аеродром.

Најавено е учеството на повеќе од 260 натпреварувачи од 26 земји, а гости се очекуваат и од Канада, САД, Израел и од Саудиска Арабија.

– Ова е втор јуниорски куп кој го организираме и минатата година, како информација тогаш настапија 290 џудсти од 26 земји, а тука беа и гостите од Канада, САД, Израел и од Саудиска Арабија. Бидејќи се покажавме како добри домаќини, навистина се потрудивме и ги добивме највисоките оценки, ни беше доверена довербата по втор пат да го организираме Европскиот јуниорски куп – изјави во студиото на Слободен печат, потпретседателот на Џудо федерацијата, Миодраг Стојановиќ.

Џудото е олимписки со долга традиција во Македонија, но и покрај тоа не можеме да се пофалиме со значителни резултати во сениорска конкуренција.

– Не знам дали сме далеку или ни е потребно искуство и финансиска поддршка од државата, бидејќи секое ново искуство и секој успех си носи финансии. Нашиот Еди (Шерифовски) настапи на Олипмијадата и само да кажам дека колку што неговиот противник од Бразил имаше настапи во текот на оваа година, Еди немал толку во животот – додава Никола Божиновски, член на натпреварувачката комисија во федерацијата.

Нашите соговорници порачуваат дека за големи резултати, потребни се одредени предослуви, но и соработка со медиумите за поголема популаризација на спортот, кој на светско ниво е петти по масовност.

Целиот разговор со нашите гости проселедете го на следниот линк: