Во кралството Бутан постои министерство кое развило индекс за бруто-национална среќа. На тој начин надлежните се занимаваат со процена на благосостојбата на граѓаните. Тоа го прават преку редовни истражувања. Потоа, резултатите од истражувањата ги користат за планирање и оценување на јавните политики.

Во меѓувреме, македонскиот народ претежно се занимава или заморува со политика, која според социологот проф. Илија Ацески го уништува поривот на човекот за среќа.

-Политиката во Македонија во голем процент го уништува тој порив, набој, суштина во човекот, за среќа. Неодамна направив една анализа на политички говори кај нас. Вие кога ќе сретнете десет поими како арамија, крадец, нечесен, предавник итн. Како да се чувствувате вие, кога тие луѓе ја водат државата?! Како? Мора да се смират страстите и да се подигне на едно покултурно ниво, ако е борба за власт – вели Ацески за „Слободен печат“ на Слободна ТВ.

ВИДЕОАНКЕТА: Што е среќа и што ве прави среќни?

Врз среќата на еден народ влијаат многу фактори. Нашето население постојано е обременето, вели нашиот соговорник.

-Живееме во корумпирано општество, со неефикасни институции, во држава за која се плашиме дали ќе опстои, ние не можеме да бидеме среќни. Тука, улогата на медиумите е многу голема во создавање на програми и емисии, каде најголем дел од луѓето ќе уживаат. Не да бидат изгубени како во турска серија, но да гледаат нешто кое ќе ги едуцира, нешто што ќе ги направи попаметни, емоционално позрели, порадосни – вели Ацески.

ВИДЕОИНТЕРВЈУ | Ивановска: Дури и сообраќајниот метеж влијае негативно на среќата на Македонците

Целиот разговор со проф. Илија Ацески погледнете го во продолжение: