Денеска околу 10 часот во СВР Тетово пријавено е дека на автопатот Тетово-Гостивар се случила сообраќајна несреќа во која учествувале три автомобили: „Сеат Леон“ со гостиварски и „Фолксваген Голф“ и „Фиат“ со тетовски регистарски ознаки, информираат од полицијата.

„Во несреќата, со повреди се здобиле вкупно петмина патници, кои веднаш се пренесени во гостиварската Општа болница „Ферид Мурад“ за укажување на лекарска помош, соопштија од СВР Тетово.

На местото на несреќата увид има извршено екипа од СВР Тетово. Се преземаат мерки за откривање на причините за несреќата.