Со почетокот на учебната 2025/2026 година, образованието во Македонија продолжува со чекори кон дигитализација.
Од Министерството за образование и наука најавија нови реформи: дигитални алатки во наставата, како и формално образование за деца на долготрајно болничко лекување

На првиот училишен ден, ги прашавме родителите што ги носеа своите првачиња што очекуваат од новата учебна година.

– Слушнавме од министерката дека „се е обезбедено“. Дигитализацијата, учебниците и ред други работи.“ – вели еден родител.

За една мајка, ова претставува голем товар за нејзиното прваче.

– Се надевам дека ќе прифати, ќе има многу дружба, помалку учење. Мислам дека се премали за сериозен систем. Ние, мојата генерација, подоцна тргнувавме. Помалку учење, повеќе дружење – барем во прво одделение.“ – вели таа.

На прашањето што мислат за воведувањето на дигитализацијата и вештачката интелигенција во наставата, некои од родителите се скептични, а други ја гледаат како позитивна промена во училишната програма.

– Ако има кој да ја предава, зошто да не?“ – додаде истата мајка.

– Вештачката интелигенција е реалност. Децата треба да се запознаат со неа, да знаат како функционира и како правилно да ја користат. Без плагијаторство.

Не се согласувам за вештачката интелигенција. – изјави друга загрижена мајка.