Затворени гостилници, ресторани, сендвичарници. Агенцијата за храна редовно известува за ризикот и појавата на салмонела. Дијареја, повраќање, стомачни болки, се само дел од симптомите за труење со храна. „Слободен печат“ ги праша граѓаните дали купуваат месо и сувомеснато, но и готова храна, и покрај ризикот од појава на труење? Одговорите различни, дел купуваат но поретко, а најголем дел храната ја подготвуваат дома. Дел од анкетираните го почувствувале труењето со храна и на сопствена кожа.

– Купуваме месо и готова храна, но поретко. Избегнуваме заради топлината, се расипува побрзо – вели повозрасен господин.

На прашањето дали се запознати со ризиците од салмонела, најголем дел велат дека ја почувствувале на сопствена кожа.

– Мој пријател се зарази сега брзо. Му беше многу тешко, два-три дена беше во болница – вели скопјанец.

Друг скопјанец добил труење од тост.

– Беше во средно, мислам дека ја добив од тост. Повраќање класично, класични симптоми на салмонела – вели тој.

Девојка вели дека не треба да им се верува на новите места што се отворени, бидејќи хигиената не им е како што треба.

Целата анкета на колешката Агнеса Чаволи погледнете ја во продолжение: