Едно од финансиски најдостапните превозни средства во Скопје е автобусот. Пензионерите можат бесплатно да се возат во вторник и петок, а студентите имаат автобуски картички. Но, колку често луѓето некому отстапуваат место во автобус?

„Слободен печат“ ги праша граѓаните колку често отстапуваат место во автобус, дали досега отстапиле место и од која возраст луѓето треба да почнат да отстапуваат место?

Дел од анкетираните рекоа дека не се возат толку често со автобус, но кога се возеле често отстапувале место на повозрасните.

– Одамна не сум се возела во автобус, но кога се возам отстапувам место на повозрасни лица – вели една од анкетираните.

-Јас постојано се возам во автобус. Младите ми стануваат. Гледаат кој е постар, кој е помлад, на постарите ќе им отстапат место, но шансите за тоа да се случи се 50-50 – рече една повозрасна госпоѓа.

Едно од прашањата беше од која возраст треба да почнат луѓето да им отстапуваат место на другите во автобус, на што граѓаните одговорија:

– Мислам дека на возраст од 50-60 години, можат да почнат да им отстапуваат место – изјави еден граѓанин.

– Јас сметам дека треба да им отстапуваат место на лица над 60 години и на мајки и трудници – сподели случаен минувач.