Се ближи крајот на летото, а со почетокот на школската година почнува и сезоната на правење зимница. Цените на доматите и пиперките на пазарите се повисоки од лани за 20 до 40 отсто. Ги прашавме скопјани дали со вакви цени можат да си дозволат да направат зимница годинава? Ќе значи ли ова крај на традицијата за правење ајвар и лутеница?

Скопјани се свесни за високите цени на зеленчукот. До лани велат правеле, но годинава тешко. Повозрасна госпоѓа вели дека цените се многу високи, но таа веќе е на возраст кога не може да подготвува зимница.

– Сега и сме остарени и нема за кого да правам. Децата не ни се тука – вели таа.

Една пензионерка вели дека е многу поскапо за разлика од минатите години.

– Па, да не спомнуваме, ама за 60 проценти е сè покачено – вели таа.

Повозрасен господин објаснува дека сè зависи од пазар до пазар, и цените и квалитетот.

– Денарот девалвира. Тешко е да се работи земјоделство, оние кои работат си го бараат своето за трудот што го вложиле – вели тој.

Друг објаснува дека доколку им треба, купуваат зимница од маркет.

Целата анкета на колешката Агнеса Чаволи погледнете ја во продолжение: