ВИДЕОАНКЕТА | Има ли Скопје ноќен живот?
Има ли Скопје ноќен живот и каков е во споредба со претходните години? Каде се излегува, кој се култни места, што се нуди за помладите, а каде излегуваат повозрасните? „Слободен печат“ се ги праша скопјани каков е ноќниот живот во главниот град. Одговорите генерално слични, многу подобро било порано отколку сега. Младите велат дека се оставени сами на себе да се организираат и дружат, а постарите со носталгија зборуваат за минатите времиња.
– Ноќниот живот во Скопје моментално е во некој процес на развивање. На некој добар пат сме за развивање на добар ноќен живот како за помладите, така и а постарите- вели помлад скопјанец.
Друг објаснува дека воопшто не е задоволен. Вели дека имаме многу малку дискотеки и тие кои ги има се преполни и презаситени и нема поголем избор.
За скопјанка ноќниот живот одамна е изгубен.
– Не мислам ништо, одамна веќе го нема- вели таа.
За студент во Скопје веќе нема културни места.
– Деведесет отсто од времето само казината се отворени. Местата малку треба да де прошират, да се подигне квалитетот на локалите. Нема места што се баш по мојот стил и мојот вкус на излегување- вели тој.
Повозрасна скопјанка објаснува дека не излегува како што излегувала порано.
-Она што го гледам е далеку од тоа што беше порано. Ние повозрасните се собираме почесто во домашна атмосфера- вели таа.
Целата анкета на колешката Агнеса Чаволи погледнете ја во продолжение: