Доцните ли на работа и колку? Ви кратат ли од платата за доцнење? „Слободен печат“ ги праша граѓаните со цел да се добие подобра слика за тоа дали се почитува работно време.

Повеќето од анкетираните ни одговорија дека доцнењето на работа не е прифатливо. Други пак ни објаснија дека некогаш се случува да задоцнат.

– Па, не е прифатливо да касниш на работа – вели една госпоѓа за „Слободен печат“.

Дел од анкетираните признаа дека понекогаш им се случува да доцнат, но тие ги наведуваат причините и околностите кои ги оправдуваат нивните постапки. На пример, еден дечко го спомна следново:

– Па сум доцнел, да. 5, 10, 15 минути. И по саат време некогаш, ама ако е пријавено – вели тој за „Слободен печат“.

Во друг случај, еден господин ни објасни дека ќе има и евентуални последици ако доцни на работа.

– Ќе ми скратат од плата – вели господинот.

Меѓутоа, секако има и такви кои ја почитуваат нивната работна обврска.

– Ако тој може да го почитува крајот на твоето работно време, ти можеш да го почитуваш него и почетокот на работното време – вели еден случаен минувач за „Слободен печат“.