Поради големиот број обврски во секојдневниот живот, луѓето сè почесто се насочуваат кон брзата храна која ја купуваат готова или кон храна кој бара многу малку временска подготовка – печење или пржење.

Спротивно на нив, постојат и луѓе кои сè уште се фокусираат да внесуваат витамини, минерали и протеини на дневно ниво колку што е потребно или пак однапред подготвуваат здрави оброци (meal-prepping).

„Слободен печат“ направи анкета во која ги праша граѓаните дали преферираат да јадат здрава храна или брза храна?

Одговорите на граѓаните беа повеќе насочени кон здравата храна, но имаше и некои кои не можат да им одолеат на ќебапчињата, бургерите и плескавиците.

– Преферирам здрава храна, ама немам време, па затоа често јадам брза храна – рече еден од анкетираните.

На прашањето дали повеќе преферираат чиа или плескавица, мнозинството одговори дека повеќе преферираат чиа.

-Јадам чиа, секој ден – рече една жена.