Во изминативе децении сведочиме како чинот на запросување станува сè поактуелен и погламурозен момент во животот на еден пар. Но, дали тоа треба да биде спектакуларно или пак да се одвива многу поприватно?

„Слободен печат“ ги праша граѓаните дали се во брак, кој кого запросил, како изгледало запросувањето и дали чинот на запросување треба да биде спектакуларен или приватен момент за парот?

Речиси сите од анкетираните одговорија дека се во брак и споделија дека биле запросени од страна на мажот.

– Јас ја запросив сопругата и тоа изгледаше многу хаотично. Го скривме прстенот, прстенот не можев да го најдам, го баравме отприлика час и половина, па сопругата се чудеше зошто го бараме чорапот бидејќи таму беше скриен. На крајот го најдовме чорапот и ја побарав – раскажа еден од анкетираните.

На прашањето дали запросувањето било спектакуларно или приватно, слушнавме поделени искуства.

-Мене ме запросија баш приватно и ден денес бракот се одружува – вели една госпоѓа.

-Интересно е и во приватна атмосфера и спектакуларно, кој како си сака – сподели една повозрасна госпоѓа.

-Приватно е најдобро, тоа не е јавен чин – рече еден граѓанин.