Скопјани внимаваат на исхраната, но понекогаш знаат да се почестат и со нешто од „забранетата храна“. Речиси сите се обожаватели на кафе, па во раните утрински часови веќе имаат испиено минимум едно кафе, а некои од нив нашле време и за по неколку кафиња. Дамите претежно јадат овесна каша, а машката популација за појадок одбира овошје, салата или бурек.

– Јас појадувам по два часа откако ќе станам. Јадам претежно овошје или овесна каша приготвена на различен начин, задолжително со овошје – вели за „Слободен печат“ една скопјанка.

Друга наша сограѓанка ни кажа дека појадувала кефир со семиња, а еден млад скопјанец рече дека денот му започнува со банана. Пред нашата камера еден господин кажа дека го прескокнува појадокот.

– Никогаш не појадувам, пијам многу кафе од сабајле сè до 12 часот. Дури тогаш може нешто да јадам – рече тој.

Повозрасен господин ни раскажа дека многу внимава на исхраната.

– За појадок јадам патлиџан, сирење и многу овошје наутро. Месото го избегнувам – вели тој.

Една млада скопјанка ни вели дека наутро внесува протеинска храна.

– Јадам овошје и зеленчук, но кајгана или варени јајца обожавам за наутро – рече таа.

Целата анкета погледнете ја во продолжение: