Живееме во време кога интернетот и електричната енергија станаа неопходни за секојдневниот живот.
„Слободен печат“ реши да излезе на улица и директно да ги праша луѓето што навистина мислат и без што би опстанале?

– Без струја или без интернет? И како би го поминале времето доколку немаат едно од нив?

На прашањето одговараа млади, возрасни, студенти и пензионери – сите со различни искуства и мислења. А интересен факт според одговорите докажа дека дури и постарите минуваат време на интернет.

Според еден млад минувач, логично беше дека доколку нема струја, нема да има и интернет. Го прашавме дали некогаш останал без струја и како го поминал времето?

– Не беше добро искуство. А без интернет, може. Луѓето одат во планини, се изолираат од светот, така што тоа делува терапевтски.

На прашањето како го поминал времето без струја, одговори:

– Па ништо, свирев акустична гитара, уживав, читав, пишував, така што се ресетирав малку.

Повозрасна госпоѓа рече дека луѓето не можат да функционираат нормално без двете. Но, според неа, интернетот не е составен и клучен дел од животот. Друга вели дека нема потреба ниту од струја ниту од интернет.

На прашањето: „Дали има потреба за одмор“, таа ни одговори, секако дека да. На една жена не ѝ е проблем да се приспособи на времињата кога немало струја и интернет. Иако, не би можела без интернет.

– Ќе топлам вода, ќе се мијам. На селски начин ќе работам – вели таа.