Германскиот тенисер Александер Зверев се пласираше во финалето на Мастерс турнирот во Рим, откако го совлада Чилеанецот Алехандро Табило со 1:6, 7:6, 6:2.

Два часа и 16 минути траеше мечот меѓу Зверев и Табило, петтиот и 32 рангиран тенисер во светот.

Табило беше подобар во првиот сет, направи два брејка и му препушти само еден брејк на противникот, но Германецот успеа да го сврти резултатот во продолжението.

Во вториот сет немаше брејкови, па тој дел од играта беше решен во тај-брејк кој го доби Зверев со 7:4, па германскиот тенисер во третиот сет со два брејка се пласираше во своето 11 Мастерс финале.

Зверев за трофејот во Рим ќе се бори со победникот од второто полуфинале во кое се среќаваат Томи Пол (САД) и Николас Јари (Чиле).