Пo неодамнешното апсење на раперот Шон Диди Комбс, сите познати личности кои имале каква било врска со него сега се најдоа на удар на критики. Една од нив е мегаѕвездата Џенифер Лопез. Имено, таа и познатиот рапер беа во врска од 1999 до 2001 година, а во една прилика Џенифер беше уапсена со него по пукање во Њујорк.

Ја започнале врската во 1999 година

Џенифер Лопез беше една од многуте ѕвезди на кои Шон Комбс им беше ментор во доцните 90-ти и раните 2000-ти. Тие ја започнаа својата врска во 1999 година, а раскинаа во 2001 година. Пејачката и актерка изминатите неколку години имаше само добри зборови за Пи Диди. Во интервју за „Аксес Холивуд“ во 2014 година, таа рекла дека тој „ѝ дал насоки и ја научил на многу работи“ и дека „сè уште постои голема меѓусебна почит и восхит“ меѓу нив.

„УСА тудеј“ напиша дека нејзините коментари се поттикнати од веста дека Диди ја прогласи Џенифер Лопез за победник во војната за „најдобар задник“ (другата кандидатка била Ким Кардашијан).

По раскинувањето во 2001 година, таа призна дека ја изневерил

Сепак, по нивното раскинување, Лопез немаше толку убави зборови за него. Во 2003 година, во интервју за списанието „Вајб“, таа потврди дека раскинале затоа што Пи Диди ја изневерил.

„Првпат бев со некој што не е верен“, рекла тогаш Џенифер и додала: „Со него бев во таа врска во која постојано плачев, лудував и полудував, навистина цел живот ми беше виор“.

Како што објави „Форбс“, во документарниот филм на Лопез од 2024 година „Најголемата љубовна приказна никогаш не кажана“ (The Greatest Love Story Never Told), таа ја спореди врската со Бен Афлек со претходните врски во кои била, велејќи дека се соочила со „насилно однесување и со неколку други непријатни работи“, но не прецизирала на кого тоа се однесува.

Џеј Ло и Диди во 1999 година беа уапсени по пукање

Во 1999 година, тогаш 31-годишниот П. Диди беше уапсен по пукање во ноќен клуб во Њујорк. Во тоа време Комбс беше во друштво на својот телохранител Ентони Волф, раперот Џамал ​​Шајн Бароус и тогаш 30-годишната девојка Џенифер Лопез.

Според пишувањето на „Форбс“, инцидентот започнал со несогласување и расправија, а завршил со пукање во кое беа повредени три лица. Шон Комбс и Џамал ​​Шајн Бароус се соочија со повеќе обвиненија, а оние против Диди беа отфрлени. Но, најтешко повредената личност, Натанија Рубен, инсистирала дека Диди ја застрелал во лицето.

Побегнале од местото на настанот

Натанија Рубен изјавила за „Њујс нејшн“ дека е подготвена „лекарот да отстрани дел од куршумот од 9 милиметри во лицето за да може да го користи како доказ“. Рубен поднела тужба од 130 милиони долари против Комбс во 2008 година, која беше решена надвор од судот во јуни 2011 година. Рубен тврдеше дека раперот ја застрелал во лицето.

„Го гледав“, изјави таа за „Дејли бист“ и додаде: „Го видов со свои очи“. По апсењето на Диди, таа рече дека тоа бил „најдобриот ден досега“.

По пукањето во клубот, Комбс го напуштил местото на настанот со Џенифер Лопез и Џонс, а потоа учествувале во потерата, бидејќи бегале од полицијата. Кога ги запреле, полицијата во автомобилот го пронашла украдениот пиштол. И Диди и Лопез потоа биле уапсени и, како што објави „Гардијан“, првично биле обвинети за криминално поседување украден имот.

Обвиненијата против Џенифер биле отфрлени

Обвиненијата против Џенифер биле отфрлени во текот на ноќта, но Шон Комбс и Џамал ​​Бароу отишле на судење. Диди се соочил со дополнителни обвиненија за поткуп – тој наводно му понудил на возачот на автомобилот 50.000 долари за да каже дека пиштолот е негов.

Диди бил ослободен. Неговиот 21-годишен сообвинет, Џамал ​​Шајн Бароу, бил обвинет за пет кривични дела, вклучувајќи напад од прв степен, несовесно загрозување и нелегално поседување оружје. Бароу бил ослободен од обвинението за обид за убиство, но одлежал 10 години за тие обвиненија, како што напиша „Њујорк тајмс“. Никој никогаш не бил обвинет или прогласен за виновен за пукањето што се случило таа вечер.

Џенифер зборувала за пукањето во 2000 година

Џенифер Лопез ретко зборуваше за пукањето, но во 2000 година зборуваше за тоа во интервју за британски „Ел“. Таа рече дека „тоа беше целосен кошмар“. „Апсолутно немав поим што се случува. Никој не знаеше“, објаснила таа накратко.

Иако многумина се надеваат и чекаат Џенифер Лопез да даде изјава за апсењето на нејзиното поранешно момче Диди, таа допрва треба да го стори тоа.

Пи Диди ќе остане во притвор во очекување на судењето

Потсетуваме, раперот беше уапсен од федерални агенти во Њујорк и обвинет по три точки, во кои се наведува дека сексуално напаѓал жени и ги терал да учествуваат во секс забави и да користат дрога користејќи закани и насилство.

Тој ќе остане во притвор откако судијата му одби кауција и ќе се соочи со обвиненија за сексуална трговија и перење пари, заедно со многу други обвиненија засновани на настани од 2009 година наваму. Комбс се изјасни за невин по обвиненијата и беше задржан во притвор во очекување на судењето.

Подемот и падот на Шон Комбс: Одбиена кауцијата од 50 милиони долари, останува во притвор, а му се заканува доживотна робија