Во пресрет на доделувањето на најпрестижните филмски награди во историјата на седмата уметност – Оскарите, традиционално се прогласуваат и добитниците на „Златна малина“, награда наменета за најлошите достигнувања на големото платно во изминатата 2024 година.

Џокер имаше најмногу номинации

Овогодинашните награди „Златна малина“ беа предводени од „Joker: Folie à Deux“ со седум номинации, а веднаш зад нив беа „Madame Web“, „Megalopolis“, „Borderlands“ и „Reagan“, секој од нив со само една номинација помалку.

Победник (поточно губитник) на вечерта беше филмот „Madame Web“, кој покрај наградата за најлош филм, ја однесе и наградата за најлошо сценарио и најлоша главна актерка. За најлош актер е прогласен комичарот Џери Сајнфелд, чие хумористично дело „Unfrosted“ за многумина не беше смешно. Френсис Форд Копола е прогласен за најлош режисер.

Инаку, првите награди „Златна малина“ се одржани во 1981 година, а апсолутен рекордер е актерот Силвестер Сталоне, кој може да се пофали со 12 награди и преку 20 номинации.

Погледнете ги сите минатогодишни добитници на наградата „Златна малина“ подолу.

Најлошиот филм

Madame Web

Најлошиот актер

Џери Сајнфелд (Unfrosted)

Најлоша актерка

Дакота Џонсон (Madame Web)

Најлоша споредна машка улога

Џон Војт (Megalopolis, Reagan, Shadow Land i Strangers)

Најлоша споредна женска улога

Ејми Шумер (Unfrosted)

Најлошиот режисер

Френсис Форд Копола Megalopolis)

Најлоша филмска двојка

Хоакин Феникс и Лејди Гага (Joker: Folie a Deux)

Најлош приквел, римејк или продолжение

Joker: Folie a Deux

Најлошото сценарио

Madame Web