ВИДЕО | Златен вулкан: Планината Еребус испушта злато во вредност од 6000 долари во воздухот секој ден

Фото: NASA Earth / Zuma Press / Profimedia

Планината Еребус е еден од деветте активни вулкани на Антарктикот и секој ден испушта околу 80 грама злато во воздухот.

Скриена меѓу глечерите на Антарктикот, планината Еребус, која е најјужниот активен вулкан на нашата планета, за еден ден исфрла златни кристали вредни 6.000 долари. Имено, ерупциите на овој вулкан се непрестајни и тој испушта гас со кристализирано злато во атмосферата, а се проценува дека на дневна основа на земјата во форма на златен дожд паѓаат околу 80 грама злато.

Планината Еребус е невообичаена не само по скапоцената материја што ја исфрла на земја, туку и поради тоа што се смета за едно од најстудените места на планетата, а воедно е и едно од највисоките во светот. Сателитските снимки од вулканот открија езеро од лава на него, кое постојано расте од 1972 година, кога за првпат бил забележан.

Трагачите по злато го пронајдоа овој скапоцен метал стотици километри подалеку од планината Еребус, а истражувачите на Антарктикот пронајдоа траги од злато исфрлени од вулканот на оддалеченост од речиси илјада километри од кратерот.

Самото име Еребус потекнува од античкиот грчки бог на темнината, а истражувачите често забележуваат дека на него била забележана ерупција за време на пристигнувањето на експедицијата која всушност ја открила во 1841 година. Еребус е еден од трите вулкани што го формираат островот Рос. Името го добила по легендарниот капитен Џејмс Кларк Рос. Овој истражувач извршил важно истражување на Антарктикот и го открил Росовото Море, а бил на експедицијата во гореспоменатата година кога ги погодила вулканската ерупција.

Инаку, замрзнатиот континент има 138 вулкани, а според студија од 2017 година, само девет од нив се активни.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот