Фудбалерите на Челси продолжуваат со добрата форма на стартот од сезоната и денеска „сините“ сславеа победа од 2-0 против градскиот ривал Фулам во рамките на третото коло од Премиер лигата.

Иако Фулам прв ја затресе мрежата преку Кинг, радоста на домашните траеше кратко, ВАР реагираше и голот беше поништен поради претходен прекршок.

Клучниот момент се случи во судиското надополнување од првото полувреме, кога Жоао Педро со прецизен удар со глава го совлада Лено и донесе водство за  избраниците на Енцо Мареска. На самиот почеток од вториот дел, Енцо Фернандез беше сигурен од белата точка и ги постави конечните 2-0.

Со оваа победа, Челси се искачи на врвот на табелата со седум освоени бодови и ќе остане таму најмалку до завршување на останатите натпревари од третото коло.