Жителите на преспанското село Љубојно веќе неколку дена одржуваат протести и блокади на локацијата над селото на која, според нив, е извршено масовно и прекумерно сечење на шумата.

„75 години никој нема чепнато ниту едно дрво, а сега некој сака да ја уништи цела планина за неколку дена! Загрозена е водата на цело село, при поголем дожд ќе се контаминира резервоарот! Ќе се зголеми ерозијата на земјиштето, ќе се поплави цело село!“, велат љубојнчани во објава на социјалните мрежи.

Тие бараат сечата, за која властите велат дека е планирана и „регуларна“, итно да запре, а во спротивно ќе организираат и порадикални протести и блокади.

„Испратено е официјално писмо до Македонски шуми, градоначалникот на Ресен, МЗШВ, Државен инспекторат за шумарство и водостопанство и МЖС, но од таму изјавија дека сечата е легална!“, велат жителите на Љубојно и активистите кои им се придружија во протестот.

View this post on Instagram

A post shared by Зелена Народна Стража (@zelenanarodnastrazha)

„Неуки и заслепени луѓе уништуваат сѐ што е свето, до последното дрво и последната капка вода, за пусти, валкани пари! Спасот е во единството и обединувањето на народот, а овој кренат глас во с. Љубојно нека биде мотив за сите Македонци: СО ЖИВ SИД ГО БРАНИМЕ СВОЈОТ ДОМ, ДОСТА БЕШЕ МОЛК!“, пишува во објавата.

Протестираа жителите на Љубојно, велат дека концесионерот ја сотрел шумата над селото