Натанија Рубен, жената која тврди дека Шон Диди Комбс ѝ пукал во лицето во 1999 година, се огласи по апсењето на раперот, пренесува „Индепендент“.

– Мојата ќерка Нирвана ми ја соопшти веста. Таа рече: „Мамо, погоди кој е во затвор“. Прашав дали е некој од градот, некој што го познаваме, потоа ми рече дека е некој поголем“ – изјавила Натанија за „Дејли Бист“.

Таа набрзо сфатила дека се работи за Диди и, веднаш радосно извикала: „Ти благодарам, милостив Боже. Еден од најдобрите денови досега“.

Што точно се случило со Натанија?

Во декември 1999 година, Натанија била во ноќен клуб на Менхетен со нејзината пријателка. Диди дошол во тој клуб истата вечер со неговата тогашна девојка Џенифер Лопез. Тие биле придружувани од телохранителот на раперот Ентони и раперот Џамал ​​Шајн Бароу. Во еден момент Диди се скарал со некој дилер и избила престрелка. Натанија била погодена меѓу очите со куршум со шуплив врв.

Таа сѐ уште тврди дека Диди го повлекол чкрапалото. „Го гледав, го видов тоа со свои очи“, рече таа. Диди и тимот потоа побегнале од клубот, но биле фатени од полицијата. Натанија на крајот сведочеше на судењето, но Диди беше ослободен. Имено, хирурзите не можеле безбедно да ги отстранат остатоците од куршумот од нејзиното лице за да докажат дека се совпаѓаат со оружјето кое било пронајдено кај Диди. На крајот, неговиот колега Бароу беше осуден на 10 години затвор.

Диди останува во притвор

За потсетување, раперот беше уапсен од федерални агенти во Њујорк во понеделникот вечерта и обвинет во испечатено кривично обвинение од три точки, во кое е наведено дека сексуално напаѓал жени и ги принудувал да учествуваат во секс забави и да користат дрога користејќи закани и насилство.

Тој ќе остане во притвор откако судијата ја одби кауцијата и ќе се соочи со обвиненија за сексуална трговија и перење пари, заедно со многу други обвиненија засновани на настани од 2009 година наваму.

Комбс се изјасни за невин по обвиненијата и беше задржан во притвор во очекување на судењето.

Подемот и падот на Шон Комбс: Одбиена кауцијата од 50 милиони долари, останува во притвор, а му се заканува доживотна робија

Фифти-Сент го исмеа Диди: „Овде сум во добро друштво и немам 1.000 шишиња лубриканти дома“

ВИДЕО | „Го допрев дното“: Прво огласување на Диди по вознемирувачката снимка на која брутално ја тепа Каси