Жена која е родена бела, но тврди дека се идентификува како црна откако инекциите на меланин ѝ ја промениле бојата на кожата, планира да се пресели во Африка.

Мартина Биг, која сега претпочита да се вика Малаика, вели дека чувствува длабока поврзаност со африканскиот континент и неговите луѓе, пишува „Дејли мејл“.

Малаика (36) се соочи со остри критики од луѓе кои тврдат дека носи „црно лице“ и „никогаш нема да биде црна“. Сепак, таа планира да се пресели во Африка со нејзиниот сопруг Мајкл Грос (38).

„Добивме повици од поддржувачи од многу африкански земји, па не беше лесно да се одлучиме каде да се преселиме“, рече Малаика. „Во моментов, Кенија и Намибија се на нашата потесна листа. Мојот сопруг и јас веќе планиравме да емигрираме пред неколку години, но пандемијата се попречи“, додадва таа.

Сепак, нејзиниот сопруг е загрижен за нејзината кариера.

„Бидејќи поголемиот дел од мојата манекенска работа ја работам во Европа и во САД, Мајкл се плаши дека ќе ми биде тешко да заработам пари во Африка. Морав многу да го убедувам дека ова е најдобрата одлука за нас“, изјавила Малаика.

Освен промената на бојата на кожата, Малаика веќе има неколку зафати за зголемување на усните, а сега планира операција на задникот и „зголемување на носот“ пред да се пресели во Африка.

„Мојот сопруг и јас сè уште работиме на распоредот“, вели таа. „Особено ми е важно овие операции (зголемување на задникот и зголемување на носот) да се направат овде во Европа. Бидејќи сакам многу екстремни промени, не познавам ниту еден хирург во Африка кој може да го направи тоа. Се надевам дека наскоро ќе ги решиме преостанатите прашања и ќе го оствариме нашиот сон да се преселиме што е можно поскоро“, вели Малаика.

Таа првпат го посети Најроби во 2018 година и тврди дека некои локални жители ја препознале, па дури и сакале да се фотографираат со неа. Досега три пати била во Африка.