64-годишната Аром Арунрој преживеела четири часа агонија во „тесната прегратка“ на питон долг 4 метри во Тајланд додека полицијата не ја пронашла и не ја спасила.

Како што опишала, нејзината авантура започнала додека миела садови кога наеднаш почувствувала каснување на десната нога. Најпрво мислела дека е гуштер, но кога видела дека се работи за питон се обидела да му побегне и како резултат на тоа паднала и змијата тешка 20 килограми се обвила околу неа.

Два часа по нападот на змијата, соседот го слушнал врисокот на жената и ја известил полицијата.

„Се плашев дека питонот ќе ме убие, па почнав да врескам. Никогаш не сум била повеќе преплашена. Змијата не ме пушташе. Верувам дека чекаше да умрам за да ме изеде. Така, се молев и се надевав на најдоброто“, изјавила 64-годишната, чии раце по нејзиното спасување биле вкочанети од стисокот на питонот.

Според портпаролот на полицијата, на спасувачите им биле потребни 30 минути за да ја ослободат жената. Питонот потоа избегал во блиската шума.