Пратеникот Фадил Зендели се сретна со Претседателот на глобалниот совет за толеранција и мир, Ахмед бин Мохамед ал – Џарван кој најави дека ќе отвори канцеларија во Скопје.

-Во склоп на овој совет е и меѓународниот парламент за толеранција и мир каде членуваат повеќе од 80 земји, меѓу нив и ние. Јас како пратеник на нашето Собрание учествувам на сесиите кои ги организира овој меѓународен парламент. Суштината е промоција на толеранцијата и мирот во светот. Во таа насока беше и посетата на претседателот Ал – Џарван со кого разговаравме по однос на функционирањето на нашето собрание, нашите политики, особено се осврнавме на тоа ние како земја како и колку придонесуваме во тоа, вели за Утрински брифинг пратеникот Фадил Зендели.