Концертот на рап-ѕвездата Тревис Скот, во Рим на „Circus Maximus“, познат археолошки локалитет, ја зголеми загриженоста на официјалните лица и граѓаните, за ризиците од големата толпа присутни, пишува „Си-ен-ен“.

Имено, на концертот на раперот присуствувале околу 60.000 гледачи, кои неуморено и енергично скокале и викале, при што локалните жители ги фатило паника, мислејќи дека се случува земјотрес.

Археолозите и стручните лица биле вознемирени од вибрациите и се сомневаат во одлуката да се одржуваат музички настани на археолошки локалитет, каде што се одржувале трки со коли пред повеќе од 2.000 години.

Концертот се совпаднал со објавувањето на новиот албум на Скот, а на сцената му се придружил Је, рап-ѕвездата порано познат како Канје Вест. Кога гостинот излегол на сцената, толпата ечела и скокала уште повеќе.

Од околу 22.30 ч. по локално време, жителите се огласиле на социјалните мрежи со коментари како: „Дали некој чувствува земјотрес?“

Инаку, сеизмологот од Италијанскиот институт за геофизика и вулканологија, Џовани Диаферија, објави објаснување на социјалната мрежа Х (попозната како Твитер), околу овој необичен момент.

An #earthquake at the #TravisScott concert in in #Rome?
60k people, 70kg each, jumping and reaching 0.15 m from ground radiate and energy of
E = 6.2 MJ
which is equivalent to a magnitude 1.3 earthquake, at each jump!! Enough to be recorded by a seismic station 9 km away! pic.twitter.com/inFfBNxUiG

— Giovanni Diaferia (@GioviDiaferia) August 9, 2023

„60 илјади луѓе, секој од нив тежи околу 70 килограми, скокаат и достигнуваат 0,15 метри од земјата и зрачат енергија од E = 6,2 MJ што е еквивалентно на земјотрес со јачина од 1,3 степени, со секој скок! Доволно за да сними сеизмичка станица оддалечена 9 километри “, напишал тој.

Според инситутот, сеизмограмот идентификувал неколку точки на вибрации, за време на концертот, кој траел помалку од 90 минути, „со очигледните врвови на бучава“ од страна на фановите.

По овој настан, Алфонсина Русо, која го надгледува Археолошкиот парк на Колосеумот, најважната археолошка област во Рим, ги повикала градските власти да престанат да го користат „Circus Maximus“ за масовни настани и да го стават исклучиво во културна употреба.

Видеото може да го погледете ТУКА.