Колумбиската пејачка Шакира имаше навистина успешна година кога станува збор за музичката кариера, но и многу тешки мигови на емотивно поле. Имено, таа и нејзиниот партнер Жерар Пике ја раскинаа 11-годишната љубовна врска, а нејзиниот татко се соочи со сериозни здравствени проблеми.

Во четвртокот на својот Јутјуб канал пејачката објави песна која ја посвети на поранешниот сопруг Жерар Пике. Во најновиот хит на Шакира се зборува за неверството на Пике која за само два дена собра над 90 милиони прегледи на Јутјуб и собори важен рекорд.

Новата песна на Шакира беше преслушана 63 милиони пати во само еден ден, со што го собори рекордот како најслушана латиноамериканска песна на Јутјуб во тој период.

Со оваа песна Шакира се најде на листата на најслушани латиноамерикански артисти кои исто така соборија рекорди на Јутјуб, како Џеј Балвин, Луис Фонси и Деди Јенки.

„Ме остави како сосетка на мојата свекрва, со новинари на врата и долг во трезорот. Мислеше дека ќе ме повредиш, но ме направи уште посилна. Жените не плачат, жените плаќаат“, се само дел од стиховите од новата песна на Шакира упатена до Пике.

Со песната Шакира му испрати јасна порака на бившиот сопруг, кој наводно ја изневерувал со сегашната девојка Клара Чиа:

„Бејби, ти посакувам се најдобро со мојата замена, не знам што ти се случи, но замени Ферари за Твинго, замени Ролекс за Касио…“

Како потсетување, Шакира и Пике беа заедно од 2011 година и имаат две деца – деветгодишниот Милан и седумгодишниот Саша. Веста за нивното разделување ја споделија во јуни минатата година, со официјално соопштение објавено од нејзината агенција.

„За жал, потврдуваме дека нашите патишта се разделуваат. За доброто на нашите деца, кои се наш најголем приоритет, бараме да ја почитувате нашата приватност“, стоеше во нивното соопштение.

ФОТО | Романтична прошетка на Пике и новата девојка, за која вели дека е „поразбирлива“ од Шакира

ВИДЕО | Шакира е бесна бидејќи Пике јавно го експонираше нивниот син без да ја праша

Шакира со новогодишна порака: Дури и ако некој нè повредил, мора да продолжиме да им веруваме на другите