Актерот Рајан Гослинг, кој ја глуми улогата на Кен, смислил незаборавен начин да го честита јубилејниот 40-ти роденден на режисерката на „Barbie“, Грета Гервиг, додека филмот продолжува да руши рекорди во кината ширум светот, пишува „Пипл“.

Актерот ѝ испратил танчери на режисерката Грета Гервиг, кои ѝ приредиле флеш моб со Барбики и Кенови, како урнебесен роденденски подарок.

На официјалниот Инстаграм профил на филмот беше споделено видеото кое го прикажува моментот кога Гервиг била пријатно изненадена од толпата танчери.

„Како што знае Кен…Понекогаш единствениот начин да ги изразите своите чувства е преку песна и танц! Кен Рајан ги испрати овие специјални Барбики и Кенови да го започнат роденденот на Грета“, пишува под смешниот клип.

На видеото се забележува дека режисерката на „Barbie“ e во шок, кога на часот по пилатес, групата танчери се појавуваат и почнуваат да танцуваат на песната „I’m Just Ken“,  песна што всушност ја пее Гослинг во улогата на Кен во филмот.

На крајот од видеото, танчерите извикуваат „Среќен роденден Грета“, а режисерката се заблагодарила и рекла дека „ова беше толку убаво“.

Во продолжение погледнете го видеото:

ФОТО | Интересен детаљ во „Barbie“: Ламбите во филмот се на еден регионален дизајнерски бренд

Погледнете што се случува кога ги пребарувате Рајан Гослинг, Маргот Роби или „Barbie“ на Гугл

ФОТО | Интересен детаљ во „Barbie“: Ламбите во филмот се на еден регионален дизајнерски бренд