Втор ден гори игралиштето во Шуто Оризари, кое веќе со месеци е претворено во мини депонија. Жителите алармираат дека токму на тој простор секој викенд се организира т.н. „бувљак пазар“, објави Скопје1.

Тие велат дека повеќе пати се жалеле за несовесното управување со отпадот и ненавременото негово собирање, но досега институциите не презеле конкретни мерки.

 

View this post on Instagram

 

A post shared by Скопје1 / Skopje1.mk (@skopje1mk)

Покрај Дрисла и Вардариште ова е трета депонија која гори и дополнително го загадува воздухот во Скопје.

„Активни се пожарите во Шуто Оризари, каде гори депонија, а под контрола е пожарот во депонијата Дрисла, на територијата на Општина Студеничани“, информираа вчера од ЦУК.

Утрово со засилено темпо продолжи затрупувањето на делот од депонијата „Дрисла“ од кој излегува чадењето, а кој е со големина приближно колку фудбалско игралиште, информираше директорот на Дирекцијата за заштита и спасување Стојанче Ангелов. Тој нагласи дека не може да се забележи отворен оган, а чадењето е делумно намалено но се уште присутно.

ВИДЕО | „Дрисла“ нема ограда ниту камери, секој може да влезе и да подметне пожар, вели Ангелов