Музичарите често вложуваат големи суми во песни и музички спотови, а најскапата песна досега на регионалната сцена ја купила Ана Николиќ, потсетува српски „Блиц“.

Станува збор за „Ромале ромали“, со која таа настапи на фестивалот Беовизија во 2006. Песната веднаш стана хит, а нејзината цена од 30.000 евра се покажа како исплатлива инвестиција, иако Николиќ не замина на Евровизија, што многумина го сметаат за неправда.

Авторот на песната, Кики Лесендриќ, призна дека свесно ја зголемил цената.

„Има многу песни што на авторите им донеле малку, а на изведувачот многу. Диспропорцијата секогаш е присутна. Илјада пати сум работел песна за нула. Ако ми се пријатели, тогаш ми е под чест да им наплатам. Од друга страна, ако сме во деловен однос – да се наплати е во ред. Со Ана ситуацијата беше многу специфична, иако во тоа време беше многу ‘симпатична’. Требаше да работам на целиот албум, но испадна дека остана само таа песна, па мојата лутина доведе до тоа драстично да ја зголемам цената – и тоа беше прифатено. Но, нема врска, резултатот беше добар и за неа и за мене. Тоа беше еден од оние моменти кога јас бев безобразен од некоја причина, а тој безобразлук беше наплатен“, изјави Лесендриќ.

Да потсетиме, таа година главни фаворити беа „Фламингоси“ и нивната песна „Луди летни плес“. Сепак, иако водеа на гласањето, црногорското жири не им даде ниту еден глас и победата отиде во рацете на групата „Ноу нејм“ со песната „Моја љубави“. Поради скандалозниот крај, Србија и Црна Гора таа година не учествуваше на Евровизија и многу наскоро дојде до распад на државата.

Неверојатно: За само седум минути биле продадени над 42.000 билети за Евровизија