Во Киев одекнуваат експлозии од 4:30 часот по локално време. Советник на украинската влада вели дека руски авион бил соборен и дека биле спречени неколку ракетни напади.

Дел од населението на Киев се крие од воздушни напади во засолништа, метро станици и подруми на згради.

Новороденчињата од Одделот за педијатриска интензивна нега во Детската болница во градот Дњепропетровск во источна Украина се префрлени во импровизирано ракетно засолниште во подрумот на зградата.

„Ова е одделение за неонатална интензивна нега. Префрлени се во ракетното засолниште. Можете ли да го замислите тоа? – рече д-р Денис Сурков. „Ние сме многу нервозни и загрижени“, вели раководителот на одделението.

На видеото се гледаат десетина новороденчиња. Медицинските сестри носат неколку бебиња во раце, а една медицинска сестра помага при дишењето.