Фудбалерите на Лацио изненадувачки останаа без триумф против Емполи во рамките од 17 коло во Серија А.

Римскиот клуб имаше два гола предност благодарение на погодоците на Фелипе Андерсон во втората и Матија Закањи во 54 минута.

Гостите во 83 минута преку Франческо Капуто го намалија резултатот, а бод им донесе Разван Марин во четвртата минута од судиското надополнување.

На табелата Лацио е на петтата позиција со 31 бод, додека Емполи по седмото реми сезонава е на 13 место со 19 бодови, колку што имаат и Болоња и Лече на 11-то, односно 12 место.

Во останатите мечеви Салернитана и Торино ремизираа 1:1, а немаше победник и на средбата Специја – Лече (0:0).